Naupang kum 5 hnuailam Zeng hri danna pek leh an ni

Naupang kum 5 hnuailam te Zeng hri danna pek beihpui thlakna chu nimin khan rampum ah neih niin Serchhip District-ah pawh Zeng hri danna hi pek leh a ni.
Zeng hri umbo beihpui thlakna atana hri danna pek beihpui thlakna hi Serchhip District chhunga khaw hrang hrangah kalpui niin Serchhip District chhungah Health Department chuan kalpuiin District chhunga khua leh Veng 77-ah hri danna pekna hmun hi ruahman a ni a, heng hmun hrang hrangah te hian Health & Wellness Officer, Health Worker leh Veng leh khawtin-a Accredited Social Health Activist (ASHA) bakah Anganwadi Workers ten kum 5 hnuailam te hnenah Zeng hri danna hi an pe a, Serchhip District chhungah hian kum 5 hnuailam mi 5176 te hnenah hri danna hi pek tura ruahman a ni.


Serchhip District-a Sr. Chief Medical Officer (CMO) Dr. LP. Malsawma chuan Zeng hri danna pekna hun hi nimin zing khan Serchhip AOC Veng-ah hmanpuiin India ramah Zeng hri hi umbo ni tawh mah se kan thenawm ram Pakistan leh Afghanistan-ah te Zeng natna hian bu la khuar mek nia a lan avangin hri danna pek hi kalpui zel a nih thu a sawi a. Nu leh pa ten an fate kum 5 hnuailam chu hri danna hi pe theuh se a duh thu leh khualkhua a zinchhuak te pawhin an zinna ah pek theih a nih thu a sawi a ni.

Zeng hri danna hi nimin-a Polio Booth hrang hrangah pek niin Serchhip District-a kum 5 hnuailam mi 5176 te hri danna pek tura ruahman ah hri danna pekna hmunah mi 5182 te pek a ni a, hei bakah hian hmun dang-ah mi 11 pek ni bawkin nimin-a Zeng hri danna pek zawng zawng hi an vaiin 5193 an ni a, hei hi Serchhip District a khawsa ni lo, khualzin leh hmundang atanga rawn kal leh raltlan zingah hri danna pek an awm vang nia thudawn a ni a, hri danna la tura ngaih, la la lo te chu Vawiin lamagh an In-ah kal chilhin hri danna hi pek leh tur an ni ang.

Comments

Popular News (Last 30 Days)

Vawiin-ah HSSLC Exam result