Health care sum pechhuak

Finance changtu Chief Minister Lalduhoma chuan Health care sum cheng vbc. 50 chu nimin khan pekchhuah a nih thu Assembly House-ah a sawi.

Chief Minister chuan Health Care bill atan tun Financial Year kal mekah sawrkar hmasa in cheng vbc. 60 an lo dah atangin vbc. 35 an lo pechhuak hman tih a sawi a, “Kan sawrkar veleh reilote chhungin vbc. 15 kan sem chhuahtir leh a, tunah hian vbc. 10 a la bang. Chu vbc. 10 leh vbc. 40 kan pek belh nen Rs. vbc. 50 chu Vawiin ah kan released vek a, karleh lamah chuan damlo te ipte a thlen theih tawh kan ring a, mipuiin lo ngaihven se a tha ang e,” a ti. Health Care Scheme hman lai chu an titawp dawn thu leh a aia tha zawk buaipui mek a ni tih sawi bawkin, pawisa ken/pek ngai lova Cashless-a kalpui a nih tur thu a sawi bawk.