MPF in hruaitu insiam thar

/

Mizoram People Forum (MPF) Serchhip hruaitu chu tunhnai khan insiam thar niin Vawiin hian thutkhawm neih nghal a ni ang.
 Inrinni kalta March 23, 2024 zing khan MPF Serchhip District chuan Executive Committee thutkhawm neiin kum 2024-2026 chhunga an hruaitu tur an ruat thar a, President-ah Rev. C. Lalsanglura (PCI Chhiahtlang Kawn Veng Bial) chu dahin Vice President-ah mi 4- Rev. Lalremruata (PCI Ser-chhip Vengchung Bial); Rev. ZD. Lalhmachhuana (PCI Serchhip Bial); Rev. Zairemkima (PCI New Serchhip Bial) leh Upa T. Lalrawngbawla (PCI Serchhip Bazar Kohhran) te ruat an ni a. Secretary-ah Upa Lalthanzama (Penial Kohhran) ruatin Joint Secretary atan mi 3- Lalhmunsangi (MHIP); R. Kawlthuama (YMA) leh Lalruat-puia (MSU) ruatin Treasurer-ah Upa C. Hrangchhuma (Serchhip Bazar Kohhran) leh Fin. Secretary-ah H. Lalbiakhlua te dah an ni bawk.

Heng bakah hian Executive Committee Member atan mi 27 ruat an ni bawk a, Vawiin chawhma dar 11:00 hian Serchhip Sub-Hqrs. YMA Conference Hall-ah thutkhawm neiin Constituency leh Local Forum din thar chungchang bakah Lok Sabha Inthlanpui neih tura inbuatsaih dan tur chungchang te an sawiho ang.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »