MLA Fund-a lei lirthei te mipui tana hman turin ti

MLA Local Area Development Fund (MLA Fund) hmanga lirthei lei chu a leitu MLA term a tawp hnuin a lei chhan mipui tan (public purpose) hman chhunzawm tura tih a ni.

Nimin-a Assembly Inkhawm zawhna leh chhanna hunah MNF Member Rohmingliana a zawhna chhangin Parliamentary Affairs Department changtu Minister Vanlalhlana chuan February 16, 2024-a General Purpose Committee thukhawm chuan MLA LAD Fund hmanga ruang phurhna tur lirthei an lei chu an term a tawp hnu ah book value-in MLA emaw, Ex-MLA emaw in an khul thei ang tih a nih thu sawiin, “An khul duh lo a nih chuan State Legislative Assembly Secretariat-in sawrkar kal dan thin angin a tiral ang tih a ni,” a ti a. Zawhna neitu zawh belhna chhangin Parliamentary Affairs Minister chuan, GPC thuthlukna thar tihchhuah hmaa Department khawiah emaw a lirthei dahlet a a awm a nih pawhin GPC thu tihtluk dan hi Circulate a nih tawh avangin Assembly Secretariat-in a tul anga a tihral tur a nih thu a sawi bawk.