Art & Culture-ah post ruak 68 a awm mek

ZPM Member W. Chhuanawma zawhna chhangin Art & Culture Department changtu Minister C. Lalsawivunga chuan an Department hnuaiah post ruak 68 a awm thu nimin-a Assembly Inkhawm ah a sawi a, “Gazzeted post bik pathum a ruak a, Non-Gazzeted post ruak 65 a ni,” a ti a. Mizoram-ah NGO enkawl Library 513 a awm thu leh Raja Ram Mohan Roy Foundation atangin Library sak tanpuina leh lehkhabu leina tur puih thin an ni tih sawiin, “Chutiang atangte chuan sum remchang awm dan a zirin Library sak that ngai ang chi pawh ngaihtuah thin a ni,” a ti.