MKHC in MP Inthlan thuchah an tichhuak

Mizoram Kohhran Hruaitute Committee (MKHC) chuan April 19, 2024-a Mizoram Lok Sabha Inthlanpui lo awm turah mipui hnenah inthlan thuchah siamin, Mizoram mipui, Political Party leh Kohhran te chu zawm turin an ngen bawk.

MKHC hian Lok Sabha Inthlanpui neih tur pual hian April ni 13, 2024-ah State pum huapin Kohhran inkhawmah tawngtai theuh turin an ngen a. Tawngtai thupui atan - Inthlan tluang taka neih a nih theih nan leh Mizoram aiawhtu mi tha tak thlanchhuah a nih theih nan te, Mizoram-ah Sakhaw zalenna tha tak a awm zel theih nan leh Sakhaw pawl hrang hrangte intibuai lova inrem taka an awm zel theih nan te bakah India ramah Kristian-te rawngbawlna nekchepna leh harsatna siam zawnga hmalaknate hi a lo bo theih nan tih te hman ni se an ti a ni.

Hei bakah hian Political Party leh ram mipuite tan Lok Sabha inthlan chungchangah thuchhuah an siam tel bawk a. Zalen tak leh duhthlanna dik hmanga mi tinin vote an thlak theih nan hel pawl leh ralthuam lam chi hman te, invau te, inbum te, sum sem te tih loh ni se an ti a. Hnam bil zawng te, khawtlang inpumkhatna leh Kohhran inunauna tichhe zawngte in eng pawl mahin hma lak loh ni se, mimal leh pawl insawichhiat vak vak te, tharum thawhna chawk tho zawnga inelsen leh in auhnawmnah te tih loh ni se an ti a, therhlo leh sum umin tumahin vote hralh loh nise an ti bawk. 

Comments

Popular News (Last 30 Days)

Vawiin-ah HSSLC Exam result

LPG man bithliah thar