Mizoram-a Lirthei chuanman ennawn mek a ni

Transport Minister Vanlalhlana’n vantlang phur chi lirthei chuanman ennawn mek a ni tih sawiin, tun atanga reilote ah lirthei chuanman thar tichhuak in hman nghal theih beisei a nih thu a sawi.

A Department hna chanpual atana sum ruahman sawihona ah Transport Minister chuan lirthei rate thar chu lirthei neitute leh lirthei hmangtute tana phurrit ni lo tura duan a nih thu sawiin, Passenger phur chi lirthei sawrkar rate aia to tlan STA in a hriat te chu sawrkar dan dinglai angin hrem thin an nih dawn thu leh passenger phur chi lirthei chuanman te dik taka hman anih theih nan Fare Metre vuah tura hmalak a ni tih a sawi a, India ram khawpui danga an hman thin Online Cab Booking System pawh Mizoram-ah Two Wheeler Taxi leh Four Wheeler Taxi-ah hmang ve tura hmalak mek a ni tih a sawi.

Minister Vanlalhlana chuan Lirthei permit pekchhuah chungchangah mipui mamawh dan leh kawng awmdan thlir a ni dawn tih pawh sawiin, uluk taka zirchian hnuah chauh STA in lirthei permit a pechhuak dawn tih a sawi a. Tun dinhmunah lirthei chhiah tihsan tumna a awmlo tih sawiin, Lirthei neitute chu garage nei veka ngaih an nih thin avangin permit pek thin an ni tih a sawi a, neilo an awm anih chuan enfiah a tha tih pawh a sawi bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man