LADC-a MNF hruai sawrkar dinhmun a chiang lo

Lai Autonomous District Council (LADC)-a Chief Executive Member (CEM) V. Zirsanga chuan a tul chuan CEM dinhmun kiansan a hreh lo tih a sawi.

Nimin-a Lawngtlai-a chanchinbu mite nena a Pisa-a an inkawmna ah LADC-a CEM V. Zirsanga chuan, MNF Legislature Party-a Member thenkhat leh MDC dangte chu intiamrualin CEM atanga bang turin an nawr tih a sawi a, LADC-a CEM chuan February ni 9, 2024 khan MNF Legislature Party Leader atanga banna chu Deputy Leader hnenah a thehlut tih sawiin, MNF Legislature Party chuan a banna chu an hnawl avang chauhva CEM dinhmun pawh chelh zui a ni tih a sawi a, Leader atan an pawmlo a nih chuan CEM hi ni zui thei a ni lo tih a sawi bawk.

LADC-a CEM ni mek V. Zirsanga chuan Lai Autonomous District Council-ah MNF kaihhruai Sawrkar tha tak a awmzui zel theih nan tuna MNF-a MDC te hi inlamletin rawn kir sela, CEM thlak an duh a nih pawh in englai pawhin a dinhmun atanga inhnuhhniama, eng chanvo mah chelh loh pawh a hrehlo tih a sawi.

Sum tam tak eiruk thubuai avanga Special Judge, Anti-Coruption Act-in tunhnaia thiamloh a chantir tawh, LADC-a CEM V. Zir-sanga hi a chunga Court in thuremna a siam chung-changah a lungawi loh avangin High Court-ah a zualko a, High Court chuan Court thuremna awmsa chu kalpui chhunzawm lo tura tiin, hetiang boruak karah hian Elected MDC 25 awmna LADC-a MDC 13 te chuan Governor hnenah V. Zirsanga chuan thlawptu Member a nei ngah tawklo tih hrilhin, Sawrkar thar a pian theih nan hma la turin an ngen a. Heng MDC  zingah hian BJP leh INC MDC pakhat ve ve pawh an tel niin Lawngtlai atanga kan thudawnna chuan a sawi bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar