JNV Thenzawl in IAH-ah Open Library an hlan

Jawahar Navodaya Vidyalaya (JNV) School Thenzawl chuan nimin khan Thenzawl-a Integrated AYUSH Hospital (IAY)-a thawktute leh damlo te hman tangkai turin Open Library an hlan.
Open Library hlanna hun Thenzawl Tualvungi Veng a IAH Conference Hall-a neih ah JNV Thenzawl Principal Anish Parmeshwaran chuan Open Library hi hlanin Integrated Ayush Hospital-a Resident Medical Officer Dr. HT. Zothanmawia leh JNV Parents Teachers Committee Chairman Liantluanga Renthlei bakah JNV Senior Teacher Pradeep Rajput te pawhin thu an sawi a. Serchhip Sr. Chief Medical Officer Dr. LP. Malsawma thu-chah chu chhiarchhuah niin Serchhip-a Sr. CMO chuan JNV ten damdawi In phuisuina tur ngaih-tuaha hetiang thil tih nachang an hria chu lawmawm a tih thu leh Damdawi In-a thawkte leh damlo ten tangkai taka Open Library chu an hman ngei a duhsak thu a sawi bawk.

JNV School, Thenzawl hian AYUSH Hospital-a thawktu leh damlo ten tangkai taka an hman tura an hlan Open Library an hlan ah hian lehkhabu dahna Almirah bakah saptawnga ziak lehkhabu chi hrang 70 vel a tel a ni.