Mimbung khuaa nu pakhat thi a pasal in kut a thlak

Pathianni kalta March 3, 2024 zing khan Mimbung khuaa Manlianchingi (37) chu an In ah a thi a, he thihna thleng chungchang hi Police ten an chhui zui hnuah a pasal Chinpauva chuan kut a thlak thu Police te hnenah hian a sawi.

Thudawn danin Manlianchingi hi Pathianni zing khan an chenna In-ah boralin a pasal chuan a muhlum niin a sawi a, vui tura buatsaih a nih laiin Lamka (Manipur)-a an chhungte chuan a ruang hi lo la daha, an thlen hma chuan lo vui rih lo turin an ti a, hei vang hian darkar 24 zet vui lohin a awm a. An nupa hi in hauh chang nei ve thin an nih avang leh an In hi a fal deuh avangin a thih danah hian a chhung ten rinhlelhna  an neih avangin a ruang hi enfiah a nih hnuah nizan hmasa dar 8:30 khan vuiliam a ni ta chauh a ni.

Ngopa Police te chuan he thihna thleng chungchang ah hian thubuai ziaklutin a pasal Chin-pauva hi thu zawhfiah a ni a, Chinpauva hian Inrinni zan khan a nupui hi kut a thlak ngei thu leh hemi hnu hian tha taka mu in zing-ah a kaitho zo ta lo tih Police te hnenah hian a sawi a. Hetianga Police te hnena a inpuan hnu hian Jail-a dah turin Aizawl lamah lak nghal a ni bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man