Dan angin END-ah thawktute sawn mek an ni

Excise & Narcotics Department changtu Minister Lalnghinglova Hmar chuan chak zawka ruihhlo do a nih theihna turin Excise & Narcotics Department hnathawkte transfer dan anga kalpui tura hmalak mek niin a sawi.

Nimin-a Assembly inkhawm ah zawhna chhangin END Minister chuan tunah hian Department chhungah Transfer & Posting tih mek a ni tih sawiin, mi 80 an transfer tawh thu a sawi a, hei hi chak lehzual zawka ruihhlo an do theihna tura tih niin an Department dan ang thlapin an tih thu leh MLA zingah sawipui pawh awm mah se tun dinhmunah chuan Transfer ngaite an Transfer phawt tih a sawi a. Minister emaw, Officer te transfer ni lovin danin a sawi angin an kal niin a sawi a. Manual-a a inziah angin Inspector chu District khatah kum 5 aia rei a awm thiang lo a, Sub-Station-ah kum 2 aia rei a awm thei lo a, Sub-Inspector chu kum 3 thleng awm theih niin engemaw thil bikah chuan kum 4 tih a ni a. ASI leh a hnuailam zawng chu hmun khatah kum 5 aia rei an awm thei lo a, engemaw thil bik a nih chuan a nihna chiang takin ziakin dah tur tih a awm niin a sawi bawk.

Manipur buaina avangin Mizoram kaltlanga ruihhlo tawlh a tam nia a lan thu pawh Minister chuan sawiin, beihpui thlak avangin tualchhung chu a ziaawm deuh nia a lan thu a sawi a. Mizoram-a ruihhlo dinhmun dik tak sawi a harsat thu leh ruihhlo dona kawnga tha thawh nasa, Central YMA Kumpuan Committee member te sawi danin ruihhlo man a sang hret a, a vang hret niin a sawi bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man