Dan anga kalna turin kaihhruai an ngai tih CM in a sawi

Chief Minister Lalduhoma’n ramchhunga hnathawktu tir chhuaktu Agency ten State sawrkar leh Sawrkar laipui hnuaia dan engkim an zawh kim thlap theihna tura a rang thei ang bera kaihhruai leh kawhhmuh an ngai tih a sawi.

Assembly thutkhawm neih mekah Chief Minister Lalduhoma chuan Mizorama Placement Agency chu sawrkarin a kalpui danah felhlel a awm tih sawiin, a Form-ah ‘Outside Mizoram’ a tel tih a sawi a, India rama hnathawk tur hrang hrang an sponsor thin thu leh ram pawna thawn te pawh an awm tih sawiin, “India Immigration atangin Licence an nei tur a ni tih chu an hrelo a, sawrkar lam atangin hrilhhriatna a awmlo,” a ti bawk.

Chief Minister chuan hetiang tirhchhuah zingah Jail tang chhanchhuah ngai an awm thu pawh sawiin, amah ngei pawh an Phone tawh thu leh ama mimal pawisa in Nepal Jail tang khulchhuah a neih nual tawh thu a sawi a. Hetiang enkawl tur hian Cell din tura hmalak a ni dawn tih pawh sawiin, hetiang hi din anih chuan a enkawl dan tur leh hriatpui dan tur ngaihtuah a ni dawn tih a sawi bawk.