Campaign senso chhutna tur bithliah fel a ni

Lok Sabha Inthlanpui neih tura Candidate-te Campaign senso chhutna atana hman tur thil man chu nimin khan bithliah a ni.
Nimin khan Serchhip DC Meeting Hall-ah District Bawrhsap leh District Election Officer David Lalthantluanga hovin Official te leh Political Party aiawhte chuan inthlan senso chhut dan tur hi an sawiho a. Election Commission of India chuan inthlanna dik leh felfai a awm theih nan Candidate tin ten Campaign-na atana sum an hman theih zat bithliahin an senso chhut sak thin a ni a. Senso awm thei tur ni awm anga lang chi hrang hrang – Aurinna, Pandal, Flag, Poster, Banner leh Hoarding, lirthei hawh man, ei tur leh riah man, hall leh thuthleng hawh man leh a dangte bakah Electronic, Print leh Social Media a fakna chhuah man te chu ngun taka ngaihtuah a ni. Nikum-a Mizoram Assembly Inthlanpui-a rate lo bithliah tawh leh hman tawh chu ennawn niin siamthat ngai, paih leh belh ngai te sawiho a nih hnuah Rate Chart hi pawm a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man