Serchhip-ah Ui chhuah khap

Serchhip Town Area-ah Ui vulh chungchanga khuahkhirhna thupek tihchhuah thar a ni leh ta.
Hemi chungchanga Serchhip-a Sub-Divisional Magistrate Rebecca Laldinmawii Hrahsel in tun thla ni 15-a thupek a tihchhuah ah Serchhip Town area a lo thianghlim nan leh a chhunga mi chengte kan lo hrisel zawk nan Section 144CrPc 1973 in thuneihna a pek angin Serchhip khawpui chhung leh a chhehvel mipui vantlang nun a lo zalen a kan lo hrisel zawk nan mi tumahin Serchhip khawpui leh a chhehvel leh khawlai-ah Ui an chhuah tur a ni lo tih tarlangin, Ui vulhtuten khawlaiah lenchhuah pui an duh chuan thlungin an kai tur a nih thu leh Ui te hi khawlai ah mi In kawtah ek tir loh tur niin, a neituten an Ui ek te bawlhhlawh bawmah an paih vek tur a ni tih a tarlang a. He thupek zawm lo te chu danin a phal angin hrem an nih tur thu leh thupek hian chhuah a nih atanga thla hnih (2) a huam tur thu a tarlang bawk a ni.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result