By-pass Road-a Lei dawh tun thla ah zawh beisei

/

National Highway-54 laihzauh mekin Serchhip khawpui a helna tura Lei dawh hna chu tun thla chhunga zawh hman an beisei thu helai hmuna hnathawktute chuan an sawi.
 Sawrkar laipui Ministry of Road Transport & Highways hnuaia National Highways and Infrastructure Development Corporation (NHIDCL) ten National Highway-54 Double Lane-a laihzauh hna an thawh mek hian Serchhip khawpui hi chhuah lamah a hel dawn a, hemi atan hian kawngpui laih hna chu zofel thawkhat tawhin Serchhip Sailiamkawn atanga KM 1.5 vela hlaa Darnam kawr kanna lei chu KRAM Infracon Pvt. Ltd. ten a dawh hna an thawk mek a, KRAM Infracon Pvt. Ltd.-a General Manager Atul Kumar Singh chuan hna an thawk tluang thei a nih chuan March thla chhung hian hna zawhfel hman an beisei thu a sawi a ni.

He Lei hi meter 160-a thui tur niin Mi-zoram-a Lei dawh zingah a sei ber te zinga tel phak tura ngaih a ni a, Lei hi meter 10-a zau tur niin a sir tuak-ah mihring kalna awm tura ruahman a ni a, Mizoram-a Lei hrang hrang zingah lei atanga teha Lei chhuat sang ber tura ngaih niin mi 60 velin chhun zan zawmin hna hi an thawk mek a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »