Police ten Heroin man leh

Serchhip Police te chuan Inrinni zan zanlai pelh hnu khan Serchhip P&E Veng-ah Heroin ni ngeia hriat Hawng hnih chuang an man leh.

Serchhip Police te atanga thu kan dawn danin Inrinni zan zanlai pelh hnu dar 12:35 vel khan Serchhip Police-a District Special Branch (DSB) te chuan an thudawn bawhzuiin Serchhip P&E Veng-a Lallawmawma in-ah Heroin hawng hnih leh an lo khawih danglam tawh an man a, heng Heroin an man hi a vaiin gram 25.30-a rit niin heng an ruihhlo man kaihhnawih ah hian Lalrinchhani (39), In neitu nu leh Lalrinngheti (37), Keifang, Saitual District nia insawi te chu man niin thubuai siam sak nghal an ni.