3rd North East Games-a Mizoram Team te lawmna nei

Nagaland-a 3rd North East Games neih zawh taka Mizoram Team te hlawhtlinna lawmpuina chu chu niminpiah khan Hawla Indoor Stadium, Republic Vengthlang-ah neih a ni.

Mizoram Olympic Association (MOA) buatsaiha he hun hman hi MOA Vice President C. Laltlanthanga chuan kaihruaiin Lallianthuama CDM, chuan Report pein tun tum-a 3rd North East Games neih zawh takah hian Mizoram atangin infiammi leh Staff mi 180 an kal a, Mizoram hi a pumpuiah 4-na niin Gold 16, Silver 15, Bronze 27 an lak thu a sawi bawk.

He hun hi MOA President Robert Ro-mawia Royte chuan hmanpuiin Mizoram in Medal a lak te chu a hlu leh tih sawiin, Game items-ah tello a awm nual avangin Medal hi kan la tam thei lo zawk niin a sawi a. Sawrkar in Medalist te sum tam pe thei lo mahse, Gold medal la ten Rs. 10,000/- an dawng anga, Silver Medal la ten Rs. 7000/- leh Broze Medal la ten. Rs 5000/- an dawn tur thu a sawi bawk a ni.