Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

South Tuipui MLA in a tlawh

Hnahthial thalai tam takin eizawnna atana Balu leh Tiau an lakna hmunpui ber, Chhimtuipui lui-a Takam Tiau chu nimin khan South Tuipui bialtu MLA Jeje Lalpekhlua chuan a hmunah tlawhin and and Gravel Suppliers' Association (SAGSA) hruaitute nen an inkawm a, SAGSA hruaitute nen hian Balu/Tiau lak awlsam zawk dan turte leh kawng tha zawk sial a nih theih dan turte an en ho nghal bawk a ni. Bialtu MLA chuan kuthnathawktute an pawimawh thu sawiin, chhungkaw tam tak eizawnna Balu leh Tiau lakna kawng pawh tha tak neih a tul rhu a sawi a, tun Thal chhunga lak tur la awm ang angte lakchhuah a nih theih nan hun neih hmasak berah a hmunah ngei tlawh a tum thu leh ngaih pawimawh hmasak ah a neih thu a sawi bawk.

Comments

Popular News (Last 30 Days)