Latest News

North Vanlaiphai tana tui lak hna thawh mek enfiah

Image
North Vanlaiphai khaw mipui tana tui thiang-hlim in tur lakna tura hnathawh kal lai mek, North Vanlaiphai Water Supply Scheme, Rawleihlawn Pumping chu tunhnai khan North Vanlaiphai Village Council leh North Vanlaiphai Joint YMA hruaitu ten a hmunah kala enfiahin, hna thawh tawh te tha an tih thu an sawi a, hna chak leh tha zawka thawk zel turin an ngen.

Serchhip District-a CSC ten Insurance an zirho

Mizoram tana Head Insurer ni mek, IFFCO TOKIO General Insuarance Company chuan Serchhip District chhunga Common Service Centre (CSC) te tan nimin khan ‘Insurance Awareness & CSC Training’ an buatsaih.
Serchhip Sub-Hqrs. YMA Conference Hall-a he Training-ah hian IFFCO TOKIO General Insurance Company atangin Manager Lalremruata Fanai leh Resource Person Lalrindika te chuan Serchhip District chhunga CSC kalkhawm te chu Insurance chi hrang hrang- Life Insurance, Health Insurance, Home/House Insurance leh Vehicle/Motor Insurance etc..te nihphung leh awmzia te, Life Insurance leh General Insurance danglamna leh a awmzia te an hrilhfiah a. A bik takin IFFCO TOKIO General Insurance Company hnuaia Vehicle/Motor te Insurance tihdan tur hrang hrangte a lem nen an hrilhfiah a ni.

He Training in a tum ber chu kum 2047 a India ram zalenna in kum 100 a tlin huna ram mipui ten Insurance an neih leh an tih vek theihna tur (Insurance for all) atana inbuatsaihna a ni.

Comments

Popular News (Last 30 Days)