Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Serchhip-ah Hruipawh-a inelna buatsaih a ni

Serchhip District Tug-of-War Association buatsaih 'Serchhip District Tug of War Competition 2024' chu Inrinni khan Serchhip P&E Veng-a Leisekawt Mual-ah neih a ni.
Team 9 telna 'Serchhip District Tug of War Competition 2024' hi Serchhip District Sports Committee-a Vice Chairman K. Tlangthanmawia chuan khuallian nia hmanpuiin Inhruipawh hmanga inelna chu in unauna leh inpawhna tha thlentu nise a duh thu sawiin, rilru thianghlim taka inelna hmachhawn a pawimawh thu a sawi a. Infiamna te chu mihring hriselna atana thil pawimawh a nih thu sawiin, kan uar deuh deuh a pawimawh thu a sawi bawk.


Serchhip District Tug of War Competition 2024 hawnna hun hi Serchhip District Tug of War Association (SDTWA) President B. Malsawma chuan kaihruaiin Mizoram Tug of War Association atangin Vice President C. Lalhma-chhuana leh hruaitu dangte pawhin an rawn telpui a ni. He inelna ah hian Team 9 an tel a, Team pakhat ah hian mi 8 zel awm theiin an rih zawng belhkhawm chu kg. 600 aia tam lo a nih a ngai a, a pumpui-ah Zorammuana Memorial Team Serchhip chu pakhatna niin lawmman ah Rs. 6000/- an dawng a, pahnihna Serchhip Kawnpui Branch YMA in Rs. 4000/- an dawng bawk.

Comments

Popular News (Last 30 Days)