Nikum-ah ruihhlo man tam

Mizoram Police chuan nikum 2023 chhung khan ruihhlo chi hrang hrang cheng vbc. 49 chuang hu an man tih DGP Anil Shukla hova ND&PS Act chungchang zirhona an buatsaihah tarlan a ni a. Mizoram Police te hian nikum 2023 chhung khan Heroin kg. 68.55, Methamphetamine kg. 154.172, Crystal Meth kg. 49.05, Ganja kg. 112.943, Pseudoephedrine kg. 210.71, Opium kg. 4.918 leh Codeine bur 112 an man a. Police te thil man hlut zawng hi Rs. 49,02,42,395 a ni a. Ruihhlo kaihhnawihah hian case 273 siam a niin ruihhlo nena inkungkaih mihring 385 man an ni a, heng zinga 55 hi Myanmar lam mi an ni.