Champhai Jail-a tang mi 11 te Serchhip-ah sawn an ni
Mizoram sawrkar in Mizoram-a Jail thenkhat-ah mi tang an tawt avanga Jail tang semrual hna a kalpui mekah hian nimin khan Champhai District Jail a tang mipa 10 leh Hmeichhia pakhat te chu Serchhip District Jail-ah rawn sawn an ni a, heng tang rawn dah thar te hi an thubuai a thiamloh chantir tawh te niin an zinga mi 8 te hi Rigorous Imprisonment, rim taka hna thawk chunga tang tur niin midang pathum te hi Simple Imprisonment an ni thung.
Nimin-a heng Jail tang rawn dah thar te nen hian tun dinhmunah Serchhip District Jail ah tang mi 73 an awm mek a, heng zinga 62 te hi mipa niin midang 11 te hi hmeichhia an ni a. Sawrkar in Mizoram-a Jail tang semrual hna a kalpui ah hian nikum December 1 khan Central Women Jail, Aizawl-a tang mi 8 te chu Serchhip District Jail-ah hian rawn dah an ni tawh bawk a ni.
Comments
Post a Comment