Raltlan te awmna hmun tlawh

Adviser to Chief Minister (Political) Lalmuanpuia Punte chuan Myanmar atanga raltlan MP leh MLA te an awmna hmun Youth Hostel, Luangmual chu Inrinni khan tlawhin Chief Minister Lalduhoma'n Delhi-ah Prime Minister hmuin Myanmar atanga raltlante chu an hnampui te an nih avangin tha taka enkawl a duh thu a thlen bakah Mizo mipui ten nasa taka an thlawp avangin thlamuang taka awm turin a chah. Youth Hostel-ah hian raltlan MP leh MLA chhungkaw 16 an awm a, helai hmuna awm mek te nen inkawmin Myanmar ram politcs leh raltlan dinhmun te an sawiho a ni.