Oil Depot chungchang sawiho

Nimin khan Supply Minister B. Lalchhan-zova hovin a Office Chamber-ah Mizorama Railfed emaw, Roadfed Oil Depot siam a nih theih dan tur sawiho a ni a. Mizoram-a Petroleum products a harsatna a awm loh nan leh a tam thei ang ber chhekkhawl kan neih theih nan Indian Oil Corporation Ltd. (IOC) te chu a remchan dan zawnga Oil Depot siam dan tur Minister leh officials te hian an sawipui a. IOC aiawhte hian Mizoram chu tlangram a nih avangin Railfed Oil Depot siam chu harsatna hrang hrang avangin a theih loh hmel thu sawiin, amaherawhchu Roadfed Oil Depot chu ram acre 15 - 20 a zau a awm theih chuan siam ngei an duh thu an sawi a ni. He hunah hian Roadfed Oil Depot hi nakin hun lo kal zelah remchang zawngin Railfed Oil Depot a siam leh tura hmalak theih a nih nan hmun zawn a that thu sawiho a ni a. Mizoram tana Storage Oil Depot siam tum hi ni 30 vel daih tura siam tum a ni bawk.