Nikum-ah Serchhip District a HIV+ hmuh thar tam
Serchhip District Hospital ICTC-a thawktute hnen atanga thu kan dawn danin nikum (2023) chhung khan Serchhip-a ICTC-ah mi 2654 te enfiah niin heng atang hian HIV hri kai mi 91 zet hmuhchhuah an ni a, heng zinga 1858 te chu mi nawlpui enfiah te niin heng atang hian HIV hrik pai mi 86 zet hmuhchhuah an ni a, nu naupai (ANC) 796 enfiah te atangin HIV hrik pai mi 5 hmuhchhuah an ni bawk. Nikum chhung vek khan sawrkar ruahman anga Mobile ICTC hmangin mi 1712 te thisen enfiah atangin HIV hrik pai mi 16 hmuhchhuah an ni bawk a, heng te hi mi nawlpui enfiah 1452 te atanga hmuh vek niin nu naupai 260 enfiah te atangin HIV hrik kai hmuhchhuah thar an awm lo thung.
Thenzawl CHC-ah nikum chhung khan mi 1249 te thisen enfiah atangin HIV hrik kai mi 10 hmuhchhuah an ni bawk a, mi nawlpui enfiah 869 atangin HIV hrik kai mi 9 leh nu naupai enfiah 380 atangin HIV hrik kai mi pakat hmuhchhuah an ni.
Heti hian nikum chhung zawng khan Serchhip District-ah thisen 5615 enfiah niin heng atang hian HIV hrik kai mi 117 hmuhchhuah niin thisen enfiah atanga za zela 2.08 zetin HIV hrik an pai a. Mi nawlpui te thisen enfiah 4179 atangin HIV hrik kai mi 111 hmuhchhuah niin thisen enfiah atanga za zela 2.65 zetin HIV hrik hi an kai a, nu naupai mi 1436 enfiah atangin mi 6 ten HIV hrik kaiin za zela 0.41 ten HIV hrik hi an kai a ni.
Comments
Post a Comment