Aspirational Program-a hmalakna rawn tlawh

/

Mizoram chhunga Aspirational Program-a hmalakna kal mek chungchangah NITI Aayog Team te chuan Mizoram an rawn tlawhin hma-lakna thlirlet a ni a. NITI Aayog Team-ah hian Dr. Priscilla C. Ngaihte, Regional Lead, North East States leh Siddharth Bagaria, Young Professional te rawn kalin Mamit District tana Aspirational District Programme (ADP) leh Lungsen, Reiek leh Ngopa RB Block te tana Aspirational Block Programme thlirletna neih a ni a. NITI Aayog Team chuan ABP Block zawng zawngte hmasawnna chu fakin, ABP Fellows rawihte hmangin Block need assessment an neih chu tha an ti hle a, State dang te entawn atan an chhinchhiah a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »