IMA hruaitu ten CM kawm

Chief Minister Lalduhoma chuan nimin khan India Mission Association (IMA) hruaitute chu a Pisa-ah kawmin an hmalak dan tlangpui a zawt a. An rawngbawlna in rah tha a chhuah zel avanga lawmthu hrilhin, MP a nih laia Christian Dalit Liberation Movement-a Patron a lo nih tawh thu leh chumi kaltlanga hma an lo lak ve tawh dan te a hrilh bawk a ni. India Mission Association hruaitute hian kum laihawlah Aizawl-ah General Body Meeting an nei dawn a, Synod Mission Board in a lo buaipui dawn a, he an inkhawmpuina hmunhma en hian an rawn zin mek a ni. IMA hruaitute hian, “Christian rama Christian Chief Minister, Kohhran Upa ngat hi hmuh kan chak vang leh chumi huna keynote Speaker atan sawm che kan duh avangin kan rawn leng a ni,” tiin Chief Minister hi an hrilh bawk a ni.