Hnamdang mi 2 ruang chhar

Aizawl Luangmual-a L-Section huamchhung Industrial Growth Centre hmunah nimin khan hnamdang mipa pahnih ruang chhar a ni a, Police te chuan a hmunah thil awmdan enfiahin ruang chhar te hi Samlal Pujhar(57), Ballaldinghi, Houghly, West Bengal mi leh Shyamlal Kiski (43), Dumka district, Jharkhand mi nia hriat an ni. Heng mite ruang hi Quarry hluihlawn tawh ah chhar niin an thih chhan tak hi hriat theih ala ni lo a, Vawiin hian heng ruang te hi Postmortem tura ruahman niin Luangmual Branch YMA ten Kuang an siam sak a ni.