Band intihsiakna ah tel dawn

Ministry of Education leh Ministry of Defense tangkawp buatsaih Republic Day puala ram pum huap inelna ‘National School Band Competition’ neih turah Govt. Mizo High School, Aizawl chu tel ve tura thlan an ni.

Kum 2017 atanga neih tan he intihsiakna hi kumtin neih thin niin he intihsiaknaa tel tur hian State/UT Level leh Zonal Level paltlangin a hnuah National Level Competition hi neih thin a ni a, School hrang hrang te hi Brass Band (Mipa leh Hmeichhe) inelna leh Pipe Band (Mipa leh Hmeichhia) ah an inel dawn a ni.

National Level intihsiakna hi January ni 21 leh 22-ah te New Delhi-a National Stadium-ah neih tur a ni a, Zonal Level-a tel School 73 atangin Band 16 an tel dawn a. East Zone atangin Mizo-ram atanga tel Govt. Mizo High School ,Aizawl chu thlan niin Govt. Mizo High School Pipe Band hi kum 2000-a din a ni a, rampum ni pawimawh tam takah an lo inlan tawh a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar