AMC huamchhungah Vawk vulh dan khuahkhirh dawn

Aizawl Mayor Lalrinenga Sailo chuan Aizawl khawpui tana Vawkvulh khuahkhirhna Dan thar siam chu kaltlangpui a ni dawn tih sawi.

Nikum June ni 28-a AMC Board of Councillor thukhawm chuan Aizawl khawpui chhunga Vawk vulh khuah-khirhna dan hi a pass a, dan thar hnuaiah hian mihring chenna atanga ft. 100 a hlaah chauh Vawk vulh theih a ni tawh dawn a, he dan hi tun thla ni 15 atanga hman tan tura th a ni a. Hemi chung-changa zawhna chhangin Aizawl Mayor Lalrinenga Sailo chuan khawpui chhunga Vawk vulh khuah-khirhna dan an siam chu mi eizawnna tihtawp tumna ni lovin, awmze neia Vawk vulh a nih theih nan leh mi in hnaih lutuk te, Inchung leh In hnuaia Vawk vulh vanga midang tana rimchhia awm thin leh boruak hrisel lo awm thin khuahkhirh tumna zawk a nih thu a sawi a ni.

Aizawl Mayor Lalrinenga Sailo chuan, Vawk vulhna hmun chu vengchhung tan a hnawk-sak lo a nih chuan Local Council hriatpuina bakah Vawk vulh an tumna thenawm te remtihna hmanga vulh chhunzawm theih a ni dawn tih a sawi bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man