Adhoc School te harsatna CM-ah thlen

Mizoram Provisional Adhoc School Association hruaitute chuan nimin khan Chief Minister Lalduhoma chu a Pisa-ah hmuin an harsatna tawh mek te an thlen.

Mizoram Provisional Adhoc School Association hruaitute nen an inkawmna ah hian Chief Minister chuan sawrkar chuan a theih ang angin School te tihhmasawn a tum dawn tih sawiin, chutihlaiin hmanni lawka sawrkar hmasain School thenkhatte dinhmun a tihdanglam te chu sawrkar thar in an la ngaihtuah hman rih loh thu leh sum dinhmun a that loh avangin kum khat chhung inpuahchah nana an hman a tul tur thu an sawi tawh thin thu a sawi a. “Kan sawrkar huna hman turin kum hnih leh a chanve chhung zet Education Policy tur hi kan lo duang lawk tawh a, kei ngei pawhin Delhi sawrkarin School a kalpui dan te ka lo zu ngaihven ve tawh thin. He kan policy leh tuna in awmdan te, School dang dinhmun te pawh huamin uluk taka kan en te a tulin a rinawm,” tiin Cabinet hmaa pharh te pawh a tul tur thu a sawi a, “Tunah rih chuan engmah han sawi theih ka nei rih lo a ni,” a ti a. Education Minister a lo sawipui tur thu leh inpawh takin engkim an sawiho zui zel dawn thu a sawi a. A bialah Provisional Adhoc School a hlan thar School a awm ve tho thu pawh sawiin, “In dinhmun leh in harsatna tam tak hi ka hriatpui che u a ni,” a ti bawk.

Nikum kum tawp lama sawrkarin School ]henkhat dinhmun a tihdanglam zingah khan tun hmaa Lump Sum School kan tih thin te kha Provisional Adhoc dinhmunah dah an ni a, an pawlah hian Higher Secondary School 34, High School 11 leh Middle School 7 an awm a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar