Rualbanlote ni pualin Aizawl-ah hun hmang

National Institute for Locomotor Disabilities (NILD) leh SCERT buatsaihin nimin khan SCERT Auditorium, Aizawl-ah Rualbanlote Ni (International day for Persons with Disabilities) hman a ni.

He hun hi Commissioner (PWDs) Vanlaldiki Sailo chuan hmanpuiin rualbanlote dikna humhalh leh an talent te haichhuah sak zel a pawimawh zia a sawi a. Sawrkar hna in a daih dawn loh avangin Private Sector-a thawk turin Rualbanlote buatsaih zel a tul thu a sawi a. Rualbanlote hian kawng hrang hrang ah hma an sawn a, chu tih mek lala nuihza slam nan leh fiamthu thawh nan a hmang an awm a nih chuan Commissioner PWDs hnenah complaint thehlut a, an niin rang taka hma an lak tur thu a sawi a. Danin a humhalh tlat avangin ruaibanlote hi him tak leh hlim taka nun an hman a pawimawh thu a sawi bawk.

Nimin-a he hun hmanna ah hian Rualbanlo aiawh NGO hrang hrang leh Special School hrang hrang te an tel a. Shining Star School, Redeem Garden School, Ephatha Special School, Special Blind School, Differently Abled Society leh Mizoram Blind Society ten zai leh lam hmuhnawm tak tak an entir a ni.

He hunah hian Commissioner PwD hian wheelchair a sem a, National Institute for Locomotor Disabilities (NILD) te hian rualbanlote tan hmalakna hrang hrang an kalpui a, Wheelchair, CP Chair, Bengdar, Ke lem, Kut lem, Tiang chi hrang, hrang leh MR kit te a mamawh te hnenah an semchhuak thin a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar