MDC pahnih ten an dinhmun tur an la tifel lo

Lawngtlai East leh Tuichawng bial-a MLA atana thlantlin Autonomous District Council-a Member (MDC) ni lai ve ve te chuan an dinhmun turah thuthlukna an la siam loh thu an sawi.

MDC pahnih MLA a thlantlinte hi AIR Correspondent chuan kawmin Chakma Autonomous District Council-a Chief Executive Member (CEM) nilai Tuichawng bial atanga MNF ticket-a MLA a thlantlin Rashik Mohan Chakma chuan CEM leh MLA chu chelh kawp theih a nih thu a sawi a, Supreme Court thuremna behchhan tur a awm nia sawiin, MDC a nihna leh MLA a nihna chu khawi zawk nge a chelhzui dawn tih leh nih kawp a tum leh tumloh ah thutlukna ala siam loh thu a sawi a ni. Lawngtlai East bial atanga ZPM atanga thlantlin, Lawngtlai Chanmary bialtu MDC nilai Dr. Lorrain Lalpekliana Chinzah pawhin MLA leh MDC a nihna chu a chelh zui tur zawkah thutlukna siam thuai ngai a nih thu sawiin, tun dinhmun ah ngaihtuahna a la senglo niin a sawi bawk.