Mizoram Higher Secondary School Games nei tan

Mizoram Higher Secondary School Games vawi 20-na chu nimin khan Aizawl khawpui chhung hmun hrang hranga Infiamna hmun thlanbik-ah te neih tan a ni a, tunkar Zirtawpni khian zofelin a kharna hun hman a ni ang. Tun tum Higher Secondary School Games-ah hian Sports Discipline hrang hrang 6- Athletics (Boys & Girls), Badminton (Boys & Girls), Basketball (Boys), Football (Boys),  Table Tennis (Boys & Girls) leh Volleyball (Boys & Girls)-ah te zirlaite an inel dawn a, Mizoram District 11 atangin Zirlaite leh anmahni kaihruaitu Zirtirtu mi sang khat vel an tel a ni.