Mizoram Synod Inkhawmpui vawi 100-na nei tan

Mizoram Presbyterian Kohhran rorelna sang ber Synod Inkhawmpui Vawi 100-na chu nimin December 5, 2023 khan Mission Veng Kohhran Biak In-ah tan a ni.

Kum 1925 khan Assembly tiin inkhawmpui hmasa ber hi Mission Veng Kohhran Biak In-ah neih a ni a, Rev. FJ Sandy chu Moderator hmasa ber niin Mizo zinga Moderator hmasa ber chu Rev. Chhuahkhama a ni a, kum 1932 khan Moderator a ni. Secretary hmasa ber chu Upa Chawnghnuaia a ni bawk. Kum 1933 atangin Treasurer neih niin Rev. EH Williams leh Rev. EL Mendus-te chu Treasurer hmasa ber an ni a, Mizo zinga Treasurer hmasa ber chu Pu Muka a ni. Kum 1973 atangin Treasurer tih chu Finance Officer tia thlak a ni bawk. Inkhawmpui hi kum 1925 atanga 1952 thleng Assembly tih a ni a, kum 1953 atangin Synod tia thlak a ni ta a ni. Kum 1961 khan February thla leh December thlaah Synod Inkhawmpui hi neih a nih avangin kumin hi a vawi 100-na a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar