Latest News

Hnamdang thlavang hauh thin MZP in pawi an ti

MZP chuan ram hruaitu leh mi pawimawh zingah hnamdang thlavang hauh an awm thin chu pawi an tih thu an sawi.

Mizo Zirlai Pawl (MZP) General Hqrs. chuan nimin khan Aizawl-a MZP Conference Hall-ah Executive Meeting neiin ram leh hnam him zawk nan hnamdang dan lova Mizoram-a eizawngte dapchhuah kawngah MZP chuan nasa takin hma a la thin tih an sawi a. Hetiang hunah hian ram hruaitu leh mi pawimawh zingah hnamdang thlavang hauh an awm thin chu pawi an tih thu leh an dem takzet tih an sawi a. Kan ram leh hnam him zawk nan a ni tih hriaa MZP hmalaknate thlawp zel turin mipuite sawmin, Ram hruaitu hnamdang thlavang hauh ching an awm chuan an hming a puangzar hreh dawn lo tih an sawi bawk.

Hei bakah hian MZP chuan December 13, 2023 hian NIELIT Aizawl te nen tangkawpin Aijal Club Park-ah Job Fair buatsaih nise a ti a, ram leh hnam hmangaihna kawnga thalaite harh thar nan leh hna zawnna kawnga thalaite inhrilhhriat nan ram pum huapin Nationalism & Career Awareness campaign neih a rel a. Kumin atana MZP Pisa Pui khar hun atan December 15, 2023 an ruat bawk.

Comments

Popular News (Last 30 Days)