Hnahthial-ah DC hovin sawiho

Nimin khan Hnahthial-ah District Bawrhsap Chuauhnuna hovin Krismas leh Kumthar vuakveta boruak muanawm tak a awm theih nan dan leh thupek kenkawh chungchangah khawtlang hruaitute nen thutkhawm neih a ni a. District Bawrhsap chuan Hnahthial-ah halpuah, halmawi leh silai mu nei thlengin khapna thupek chhuah a nih tawh thu sawiin, thupek bawhzuina kawngah dan kengkawhtute chu theihtawpa tan lakpui turin a sawm nghal bawk a ni. He hunah hian Addl. SP Albert Lalnunpuia chuan hunpui lo thleng tur atana an inpuahchahna te tarlangin, buaina liantham a thlen loh a beisei thu a sawi a. Khawtlang hruaitu aiawhte pawhin kum hmasa lama an hmalak tawhnate leh boruak thalo awm palh thei laka inven dan tur tha leh tul dangte an sawi bawk a ni.