Air Chief Marshal in Farkawn khua a tlawh

Zonuna Kawlni /

India Air Force hotu Air Chief Marshal VR. Chaudhari PVSM AVSM VM ADC chuan nimin khan Farkawn khua tlawhin Champhai District Administration aiawhin Champhai DC James Lalrinchhana, SP Vineet Kumar leh DIPRO C. Lalremruati ten an lo dawngsawng a ni.

Air Chief Marshal hian Kumbhirgram (Assam) atanga Helicopter-a Farkawn hi tlawhin Farkawn-a 42 Assam Rifles hmunah Air Force Group Captain P. Srikanth leh a thawhpuite chuan Farkawn leh a chhehvela Air Force hmalakna hrang hrang an lo hrilh a. An hnathawhna ah leh an hmanraw neihah te harsatna an neihloh thu leh an mawhphurhna te tha taka an hlenchhuah theih thu an report a ni.

He hunah hian Champhai DC James Lalrinchhana leh SP Vineet Kumar te chuan Air Force leh Assam Rifles te chuan Champhai District Civil Administration tha taka an thawhpui thin thu lo sawiin, Air Chief Marshal chuan mipuite himna tura theihtawp chhuah tlang zel turin a chah a ni. Air Chief Marshal hi Mizoram-ah zan khat riakin nimin vek khan Governor Dr Hari Babu Kambhampati a kawm nghal bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »