Serchhip District-ah mi 115 ten Vote thlak leh

Nimin khan Serchhip District-ah Postal Ballot hmangin mi 115 ten Vote an thlak leh a, Serchhip District-ah nimin thleng khan mi 410 ten Postal Ballot hmangin Vote an thlak tawh a, Home Voting ah mi 168 ten Vote an thlak tawh bawk a ni.
Serchhip District Election Officer (DEO) Office in ruahmanna a lo siam tawh angin nimin atang khan Serchhip DC Office Complex-ah Facilitation Centre siamin Inthlanpui neih-a Duty tur, Polling Party-a tel si lo te tan Postal Ballot hmanga Vote thlak theihna hun hawn leh a ni a, he hunah hian Inthlanpui neih ni-a Office lama Duty tur leh lirthei khalhtu tur ten Vote thlakin 26-Serchhip (ST) AC-ah mi 104 bakah 27-Tuikum (ST) AC-ah mi 4 leh 28-Hrangturzo (ST) AC-ah mi 7, an vaiin mi 115 ten Vote hi an thlak a ni.


Hemi hmalam hian Serchhip District chhung Polling Booth-a Duty tur PRO, APRO leh Polling Official mi 295 te chuan Vote an lo thlak tawh a, heti hian Inthlanna a mawhphurhna nei mi 410 te chuan nimin thleng khan Serchhip District-ah Vote thlak tawhin kum upa leh rualbanlo In lama Vote thlak thei mi 168 ten Vote an lo thlak tawh bawk a, nimin tlai thleng khan Serchhip District-ah mi 578 ten Vote hi an thlak tawh a ni. Postal Ballot hmanga Vote thlak hi Vawiin hian chhunzawm leh a ni anga, Serchhip District-a inthlanpui-a Duty tur, Bial dang-a Vote nei ten Vote hi an thlak ve dawn thung a ni.

Hetihlai hian Mizoram pumah nimin tlai thleng khan mi 6623 te chuan Postal Ballot hmang hian Vote an thlak tawh thung a. CEO Mizoram thuchhuah in a tarlan danin nimin tlai thleng khan kum 80 chunglam leh PwD a ziahluh mi 1663 te chuan Home Voting hmangin Vote hi an thlak tawh a, heng bakah hian inthlanpui a Duty nei mi 4960 te chuan Postal ballot hmanga Vote hi thlak tawhin an vaiin mi 6623 te chuan Vote hi an thlak tawh a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar