SEDAL dinchampha pualin hun hman a ni

Serchhip District Academy of Letters (SEDAL) chuan an dinchampha pualin nimin khan hun an hmang.
Serchhip District chhunga thu leh hla lama tui mi te intelkhawmna, Serchhip District Academy of Letters (SEDAL) hi October 15, 2003-ah din niin kumtin he ni pual hian hun hman thin a ni a, kumin hian Pathianni a nih avang leh remchan lohna dang a awm avangin nimin khan Serchhip-a AH&Vety Complex-ah SEDAL Foundation Day pual hian hun hman a ni a, he hun hi an President Samuel Saithuamliana chuan kai-hruaiin Report hrang hrang ngaihthlak a ni bawk.

Nimin-a SEDAL Foundatiuon Day an hmanna ah hian T. Romama hnena atangin ‘Kei leh ka hla te’ tih thupui hmanga thusawi ngaihthlak a nih bakah Francis Lalmaka hnen atangin ‘Bible a Mizo tawng lehlin fuh tawk lo thenkhat te’ tih chu ngaihthlak a ni bawk a. An Mamber mi 3 te hnen atangin an tawnhriat thil hrang hrang ngaih-thlak a ni bawk. SEDAL hian thu leh hla lama mi thiam te pualin hun an buatsaih thin bakah lehkhabu hrang hrang an lo tichhuak tawh bawk a ni.