Mizoram Forensic Science Laboratory in Award dawng

Directors of Finger Print Bureaux All India Conference vawi 24-na New Delhi a neih ah Mizoram Forensic Science Laboratory chuan kut ze thla en hmanga pawikhawihna hnu chhuichhuak tha ber leh hlawhtling ber, Best Case Award a dawng.

Tun thla ni 6 leh ni 7 khan NCRB-MHA, New Delhi-ah Directors of Finger Print Bureaux All India Conference vawi 24-na hi neih a ni a. India rama kut ze thla en dan kaih-hnawih thil chi hrang hrang ngaihtuaha bawhzui a ni. Mithiam hrang hrangten an Research Paper an phochhuak a ni. He Conference-ah hian kut ze thla hmanga hnuchhuina leh pawikhawihtu hremna thubuai pawimawh hrang hrang thehluh niin Mizoram atang pawhin Lunglei Police Station thubuai thehluh a ni a. Presentation pe tura thlanchhuah State sawm 10 zingah Mizoram Forensic Science Laboratory telin niminpiah khan result puan a ni a, Best Case Award chu Mizoram Forensic Science Laboratory hian a dawng a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar