CEO hovin sawiho dawn

Mizoram Kohhran Hruaitu Committee (MK-HC) in Mizoram Assembly Inthlanpui Vote tla te chhiar ni tura a ruat sawn tura Election Commission of India-a an ngen chungchang chu Vawiin hian Mizoram CEO Madhup Vyas hovin sawiho a ni dawn. MKHC hian Mizoram Inthlanpui a Vote tla te chhiar ni tura December 3, 2023 ruat a ni chu Kristian te ni pawimawh a nih avangin sawn turin an lo ngen tawh a, MKHC ho hian tun thla ni 2 zan khan NGO hrang hrang, Political Party leh MPF te chu hemi chungchang ah hian thukhawm lehin tun thla ni 3 khan Mizoram CEO Office kaltlangin ECI-ah an thlen nawn leh a, darkar 24 chhunga a chhanna hmuh beisei mah se CEO ho hian Nov. 8-ah sawiho tura tih a ni a, nimin ah CEO hi hna danga a buai avangin Vawiin hian an sawiho dawn ta zawk a ni.