Lakher Pioneer Missions-a Missionary hnuhnung ber boral

Lakher Pioneer Missions (Missionary hnuhnung ber) Violet Louise Anne Mark, Pi Vaili tia hriat chu nimin zing dar 8:30 khan a chenna Saikao (Serkawr) ah a boral.

Pi Vaili hi Rev. AB. Foxall leh Louise Marquerite Tlôsai Lorrain te fanu neihchhun niin Mara ram leilung, Saikao (Serkawr) khua ah kum 1938 khan a piang a. Kum 1968 khan Mara tlangval lekhathiam hmasa zing ami, Rev. L. Mark nen inneihin an vanglai hun zawng zawng hi a pasal nen Pathian rawng-bawlna hun atan an hmang a, a thlahtu, a pi leh pute atanga an rawngbawl chhunzawm zelin a theihtawp chhuahin Mara ram tan Chanchintha an thlen bakah Kohhran tan theihtawp a chhuah a ni. Pi Vaili hi kum 85 mi niin a chenna Saikao (Serkawr)-ah nimin zing khan boralin naktuk, Nov. 15, 2023-ah vui a ni anga. MADC sawrkar chuan ni thum chhung a sun dawn a ni.

Rev. Violet Louise Annie Mark hi Mara rama chanchintha hril hmasa bertu, Rev. RA Lorrain-a tunu a ni a. Mara ramah hian Lakher Pioneer Mission Missionary hmasa ber Rev. Reginald Arthur Lorrain chuan a nupui, Moud Louise Ullander Lorrain nen kum 1907 khan Pathian thu hril turin Mara ram an thleng a, Serkawr-ah awmhmun khuarin Pathian thu an hril a, fanu pakhat, Marquirite Lorrain, a Mara hminga Tlosa tia vuah neiin Tlosa hian Sap ram atanga anmahni pui tura lo kal Albert Bruce Foxell chu pasal-ah neiin, fa pakhat Rev. Violet Louise Annie Mark an nei a ni.

Violet hian pasal atan kum 1968-ah Rev. L. Mark a nei a, an chhungkua hian Mara ram chhuahsan lovin Pathian rawngbawl hna an thawk zui zel a, Rev. Violet Louise Annie Mark pi leh pu bakah a nu leh pa te pawh Mara ram ah an thih ni thlengin Pathian rawngbawlin an awm ta a ni.

Comments

Popular News (Last 30 Days)

Vawiin-ah HSSLC Exam result