Inthlanpui thlirletna nei

Nimin khan Kolasib-ah District Election Officer John LT. Sanga hovin Kolasib District chhunga Assembly Constituency pathuma Returning Officer-te leh Assistant Returning Officer bakah Election Officer te chuan Kolasib District-a inthlan buatsaih dan thlirletin, vote chhiarna tur atana ruahmanna hrang hrang an sawiho a. Kolasib District-ah tluang taka vote thlak zawhfel a ni chu lawmawm an tih thu sawiin, Inthlan kaih-hnawiha tih tur hmabak la awmte thlirho a ni bawk. Kolasib District-ah hian Inthlanna atana hman EVM leh VVPAT te hi venhimna hnuaiah dah mek niin Vote tla te hi thla thar December 3-ah Govt. Kolasib College-a Counting Hall pathum ah chhiar a ni dawn a ni.