Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Kohhran Hmeichhe Ni hmang

Presbyterian Kohhran chuan nimin, November thla a Zirtawpni hnuhnung ber kha ‘Kohhran Hmeichhe Ni’ atan hmangin Kohhran hrang hrang ten he ni hi urhsun takin an hmang a ni.
Kohhran Hmeichhia hi Rev. DE Jones-a nupui, Catherine Ellen Williams (Pi Zosaphluii)-in kum 1904-ah dinin, Mizo hmeichhia, a bik takin nu te chu Pathian thu te hrilhin,kut themthiam leh hriselna lam te a zirtir a, hun kal zelah Bible Women-te nen thawk hovin Kohhran tinah Kohhran Hmeichhia a lo ding ta zel a. Kohhran Hmeichhe Inkhawmpui Lian in Kohhran Hmeichhe Ni bik neih a rel angin Synod Executive Committee (SEC)-in November thla Zirtawpni hnuhnung ber chu ‘Kohhran Hmeichhe Ni’ atan hman ni se tia a relsak angin, kum 1997 atang khan hman a ni zui ta a. Kumin hi a vawi 27-na niin ‘Kristian Nu Tha tih Upa B. Lalhmunliana, Synod Secretary ziah chu zirho a ni. Pi Zosaphluii hi kum 1904 khan Mizoram-ah rawn chhuakin hemi kum hi Kohhran Hmeichhe din tan kum-ah pawm a lo ni tawh bawk a ni.

Comments

Popular News (Last 30 Days)