EMRS chungchang sawiho

Nimin khan Saitual-ah Eklavya Model Residential School (EMRS) District Level Committee chu an Chairman leh District Bawrhsap Dr. Lalngura Tlau hovin an thukhawm a, he hunah hian Ngopa khuaa EMRS-a thawktu 4th Grade pakhat leh Mizo zirtirtu pakhat lak belh chungchang leh Residential School a nih anga a hmunhma tihhmasawnna tur thil hrang hrang ngaihtuaha sawiho a ni. EMRS Ngopa-ah hian zirlai 270 awm mekin kum 2021 Academic Session-ah bul tan a ni a, Class VI-X inkar hi CBSE Syllabus anga zirna kalpui a nih angin CBSE exam Centre an ni nghal a. Tun dinhmunah Principal telin Teaching Staff 12, Non-Teaching Staff 3 leh Supporting Staff 7 an awm mek a, Nurse pakhat leh damlo pahnih mut theihna Health Centre an nei bawk.