Boxing-ah Mizoram in Silver Medal lak belh leh

National Games 2023 neih emkah nimin khan Zorammuana chuan Mipa Boxing kg 51 hnuailam inelnaah Mizoram tan Silver Medal a la. Goa-a National Games neih mekah Zorammuana hian nimin khan Final-ah Services Sports Control Board boxer Bishwamitra Chowgatham chu Unanimous decision (5-0, 4-1, 5-0) in a hneh lo a ni. National Games 2023 hi Vawiin-ah zawhfel a ni dawn a, Inelna tawp ni hian Mizoram aiawh a kal zingah Silai kap thiam Fabian Lalrinliana chu 10m shooting-ah a la inlan leh dawn a ni. Nimin tlai thleng khan Mizoram chuan Gold Medal pahnih leh Silver Medal pathum, a vaiin Medal panga an la tawh a.Maharsatra chetha berin Medal 203 an la tawh a ni.