ZRM aiawh Mimi-i a ding dawn

Mizoram Assembly Inthlanpui lo awm turah T. Lalhmachhuani (Mimi) chuan Zo Reunification Movement (ZRM) aiawha Independent-a Aizawl East-II bial a ding turin nimin khan Nomination paper a thehlut. Nomination a file zawh a thuthar thehdarhtute zawhna chhangin Mimi-i chuan a dinna tur chu Zo Reunification Movement (ZRM) aiawhin Independent a nih tur thu a sawi a, Symbol ah ‘Tawtawrawt’ a hmang dawn tih a sawi a. “ZRM aiawh a Independent a ding tura inpe midang pawh an awm nual a, mahse keima'n ZRM ai kan awh dawn a ni,” a ti. Pathian zarah a tlin ngei a beisei tih T. Lalhmachhuani chuan sawi bawkin, chunglam hriattirna avanga ding tur a nih thu te, Aizawl East-II a ding tura hriattirna a dawn thu te a sawi a. Mahni a ro inrel (Independent Nation) chu an tum ber a ni tih sawi bawkin, a tling a nih chuan chu chu auchhuahpui ngei a tum dawn thu a sawi a, chumi tur atan chuan Zofate inpumkhatna tur atana hmalak chu a tum berte zing a mi a nih dawn thu a sawi bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar