Young Voters’ Festival khar

Tun thla ni 18 atanga Govt. Serchhip College-a 'Young Voters’ Festival' hman chu nimin khan a kharna leh he Festival denchhena intihsiakna chi hrang hranga lawmman semna hun Govt. Serchhip College-a HD Rosanga Multipurpose Hall ah neih a ni.
'Young Voters’ Festival' hian a tum ber chu Democracy rama inthlan pawimawh zia pholanna leh thalai voters te tihphur a ni a. Election Commission of India (ECI) in vote nei zawng zawng ten vote an thlak ngei theihna turin tan a la a; Tar chak lo te leh rualbanlo te tan pawh vote an thlak theih nan ruahmanna a siam a ni a. Vote nei thar thalai te zingah Systemic Voter Education and Electoral Participation (SVEEP) kaltlangin Electoral Literacy Club din niin hemi kawngah hian nasa taka hmalak mek a ni bawk. He Festival hman chhung hian zirlaite tan kawng hrang hrangah inelna neih niin nimin khan lawmman te hi sem a ni.