Presbytery Inkhawmpui tan

Mizoram Presbyterian Kohhran-a Rorelna sang ber dawttu, Presbytery Inkhawmpui chu nimin atang khan Mizoram chhung leh pawn-a Presbytery hrang hrangah neih a ni a, Pathianni zan thleng khian neih tur a ni ang.
Chhimchhak Presbytery Inkhawmpui vawi 100-na pawh New Serchhip Kohhran Biak In-ah neih a ni dawn a, thupui atan ‘A ram leh a felna zawn’ tih chu hman tur a ni ang. Hriat theih chinah Mizoram Synod hnuaia Presbytery hrang hrang zingah Khawthlangtuipui Presbytery Inkhawmpui chu kawng that loh avangin thla thar lamah neih a ni dawn thung a ni.

Kumin-a Presbytery Inkhawmpui-ah hian nimin chawhnu lam khan Nomination Committee te, Finance Committee te leh Sub-Pastoral Committee te an thu a, Kohhran Upa thlan tharte Exam buatsaih ni bawkin nizan khan Palai lawmna neiin Pastor Bial hrang hrang Report ngaihthlak a ni bawk a, Vawiin leh naktuk-ah Rorel Inkhawm neih tur niin Chhimchhak Presbytery-ah chuan tukin-ah Upa Nemngheh tur Exam neiin chhun lamah Committee hrang hrang thutkhawm neih a ni anga, naktuk-ah Rorel Inkhawm neih a ni ang.